Gollandiya terma jamoasi 2008 yilgi Yevropa chempionati chorak finalida Rossiya bilan to‘qnash kelgan.
Gus Xiddink shogirdlari qo‘shimcha bo‘limlarda 3:1 hisobida g‘alaba qozonib, yarim finalga yo‘l olgandi.
Gollandiya ustidan qozonilgan g‘alaba Rossiya futboli tarixidagi eng esda qolarli muvaffaqiyatlar ro‘yxatiga kiritilgan.
Gollandiyaga qarshi o‘sha o‘yinda gollardan birini kiritgan Andrey Arshavin bahs haqida gapirib o‘tdi.
«Men yig‘lagandim, garchi bu men uchun unchalik xos bo‘lmasa ham, ko‘z-yoshlarimni tiyib tura olmaganman.
«Zenit»ning UYEFA kubogidagi g‘alabasidan keyin ham miyamda shunga o‘xshash narsalar paydo bo‘lgandi, ammo bu butunlay boshqacha miqyosda bo‘lgan, terma jamoadagi faxr tuyg‘usi o‘zgacharoq», – dedi Arshavin.
