Голландия терма жамоаси 2008 йилги Европа чемпионати чорак финалида Россия билан тўқнаш келган.
Гус Хиддинк шогирдлари қўшимча бўлимларда 3:1 ҳисобида ғалаба қозониб, ярим финалга йўл олганди.
Голландия устидан қозонилган ғалаба Россия футболи тарихидаги энг эсда қоларли муваффақиятлар рўйхатига киритилган.
Голландияга қарши ўша ўйинда голлардан бирини киритган Андрей Аршавин баҳс ҳақида гапириб ўтди.
«Мен йиғлагандим, гарчи бу мен учун унчалик хос бўлмаса ҳам, кўз-ёшларимни тийиб тура олмаганман.
«Зенит»нинг УЕФА кубогидаги ғалабасидан кейин ҳам миямда шунга ўхшаш нарсалар пайдо бўлганди, аммо бу бутунлай бошқача миқёсда бўлган, терма жамоадаги фахр туйғуси ўзгачароқ», – деди Аршавин.
