«Bavariya» bosh murabbiyi Tomas Tuxel hujumchi Tomas Myuller mavsum oxirida jamoani tark etishni xohlayotgani haqidagi mish-mishlar borasida gapirdi.
Eslatib o‘tamiz, germaniyalikning myunxenliklar bilan keyingi mavsumi oxirigacha shartnomasi bor.
«Myuller nimani istasa, o‘zi hal qilishi kerak. Tomas - «Bavariya», «Bavariya» esa Tomasni anglatuvchi nomlar.
U bor e’tiborini 12-Bundesliga chempionligi uchun kurashishga qaratgan. Bo‘ldi, qolgani hozir muhim emas», — dedi Tuxel matbuot anjumanida.
Oldinroq Myuller «Bavariya»dagi o‘rnidan norozi ekani xabar qilingandi. Futbolchiga AQSH va Saudiya Arabistoni klublari qiziqish bildirmoqda, biroq futbolchi yana kamida bir mavsum Yevropada qolmoqchi.
