«Бавария» бош мураббийи Томас Тухель ҳужумчи Томас Мюллер мавсум охирида жамоани тарк этишни хоҳлаётгани ҳақидаги миш-мишлар борасида гапирди.
Эслатиб ўтамиз, германияликнинг мюнхенликлар билан кейинги мавсуми охиригача шартномаси бор.
«Мюллер нимани истаса, ўзи ҳал қилиши керак. Томас - «Бавария», «Бавария» эса Томасни англатувчи номлар.
У бор эътиборини 12-Бундеслига чемпионлиги учун курашишга қаратган. Бўлди, қолгани ҳозир муҳим эмас», — деди Тухель матбуот анжуманида.
Олдинроқ Мюллер «Бавария»даги ўрнидан норози экани хабар қилинганди. Футболчига АҚШ ва Саудия Арабистони клублари қизиқиш билдирмоқда, бироқ футболчи яна камида бир мавсум Европада қолмоқчи.
