Londonning “Chelsi” klubida ijara asosida o‘ynayotgan “Atletiko Madrid” hujumchisi Joau Feliks faoliyatini qayerda davom ettirishga qaror qildi.
Cope xabariga ko‘ra, portugaliyalik hujumchi futbolchining to‘liq shartnomasiga egalik qiluvchi "Atletiko Madrid"ga qaytish niyatida emas. Feliks Premyer-ligada qolishga qaror qildi. Shu bilan birga, manbaning yozishicha, Joau agar "Chelsi" uni o‘zida saqlab qolishni istamasa, APLning boshqa klubida o‘ynashga tayyor.
23 yoshli portugaliyalik qishki transfer oynasida londonliklar tomonidan ijaraga olingandi. Feliks joriy mavsum Angliya Premyer-ligasida 13 ta o‘yinda maydonga tushib, 3 ta gol urishga erishdi.