Лондоннинг “Челси” клубида ижара асосида ўйнаётган “Атлетико Мадрид” ҳужумчиси Жоау Феликс фаолиятини қаерда давом эттиришга қарор қилди.
Cope хабарига кўра, португалиялик ҳужумчи футболчининг тўлиқ шартномасига эгалик қилувчи "Атлетико Мадрид"га қайтиш ниятида эмас. Феликс Премьер-лигада қолишга қарор қилди. Шу билан бирга, манбанинг ёзишича, Жоау агар "Челси" уни ўзида сақлаб қолишни истамаса, АПЛнинг бошқа клубида ўйнашга тайёр.
23 ёшли португалиялик қишки трансфер ойнасида лондонликлар томонидан ижарага олинганди. Феликс жорий мавсум Англия Премьер-лигасида 13 та ўйинда майдонга тушиб, 3 та гол уришга эришди.