"Bavariya" markaziy himoyachisi Matteys de Ligt "Shalke-04"ga qarshi o‘yindan so‘ng jurnalistlar savollariga javob berdi.

Tomas Tuxel shogirdlari Bundesliganing 32-turi doirasidagi uchrashuvda raqiblar darvozasiga javobsiz oltita gol kiritib, chempionlik sari yana bir qadam tashladi.

"Bugun ajoyib o‘ynadik. Bu barchamiz uchun juda muhim g‘alaba, lekin, albatta, bu bizning hujumchilarimiz uchun ayniqsa muhim, chunki oxirgi paytlarda biz o‘z imkoniyatlarimizni eng yaxshi tarzda amalga oshirmayapmiz. Bugun biz nafaqat ko‘plab vaziyatlar yaratdik, balki ularni ishonchli tarzda amalga oshirdik, bu esa kayfiyat uchun juda foydali", - dedi niderlandiyalik futbolchi "Bavariya" matbuot xizmatiga.