"Бавария" марказий ҳимоячиси Маттейс де Лигт "Шальке-04"га қарши ўйиндан сўнг журналистлар саволларига жавоб берди.
Томас Тухель шогирдлари Бундеслиганинг 32-тури доирасидаги учрашувда рақиблар дарвозасига жавобсиз олтита гол киритиб, чемпионлик сари яна бир қадам ташлади.
"Бугун ажойиб ўйнадик. Бу барчамиз учун жуда муҳим ғалаба, лекин, албатта, бу бизнинг ҳужумчиларимиз учун айниқса муҳим, чунки охирги пайтларда биз ўз имкониятларимизни энг яхши тарзда амалга оширмаяпмиз. Бугун биз нафақат кўплаб вазиятлар яратдик, балки уларни ишончли тарзда амалга оширдик, бу эса кайфият учун жуда фойдали", - деди нидерландиялик футболчи "Бавария" матбуот хизматига.
