"Chelsi" himoyachisi Tiago Silva faoliyatini "Fluminense"da davom ettirishi haqidagi xabarga izoh berdi.

“Men va "Fluminense" o‘rtasida hech narsa yo‘q. Shartnomamni uzaytirdim, chunki “Chelsi”da qolmoqchiman. Men hatto xotinimga bu mish-mishlar va "Fluminense" boshqaruv kengashi bilan uchrashuv haqida hech narsa bilmasligimni aytdim. Men har doim o‘z shartnomalarimni hurmat qilganman", — deya Silva so‘zlarini keltiradi ESPN.

Avvalroq, 38 yoshli braziliyalik futbolchi yana bir yil o‘zi tarbiya topgan klubida o‘ynab, faoliyatini "Fluminense"da yakunlamoqchi ekani xabar qilingandi.

Silva joriy mavsumda barcha turnirlarda 32 ta o‘yinda maydonga tushdi va 2 ta golli uzatmani amalga oshirdi.