"Челси" ҳимоячиси Тиаго Силва фаолиятини "Флуминенсе"да давом эттириши ҳақидаги хабарга изоҳ берди.
“Мен ва "Флуминенсе" ўртасида ҳеч нарса йўқ. Шартномамни узайтирдим, чунки “Челси”да қолмоқчиман. Мен ҳатто хотинимга бу миш-мишлар ва "Флуминенсе" бошқарув кенгаши билан учрашув ҳақида ҳеч нарса билмаслигимни айтдим. Мен ҳар доим ўз шартномаларимни ҳурмат қилганман", — дея Силва сўзларини келтиради ESPN.
Аввалроқ, 38 ёшли бразилиялик футболчи яна бир йил ўзи тарбия топган клубида ўйнаб, фаолиятини "Флуминенсе"да якунламоқчи экани хабар қилинганди.
Силва жорий мавсумда барча турнирларда 32 та ўйинда майдонга тушди ва 2 та голли узатмани амалга оширди.
