Madridning “Real” klubi himoyachisi Xose Ignasio Nacho “Manchester Siti”ga qarshi bo‘lib o‘tadigan Chempionlar ligasi yarim final javob o‘yini haqida gapirdi. Eslatib o‘tamiz, 13 may kuni "Real Madrid" Ispaniya chempionatining 34-turida "Xetafe"ni mag‘lub etgandi (1:0).
“G‘alaba qozonish muhim edi va “Xetafe” biz uchun qiyin o‘yin tashkil qildi. Biz uchun qiyin bo‘ldi, ayniqsa birinchi bo‘limda, ikkinchi bo‘limda biz biroz yaxshiroq edik. G‘alaba va uch ochko bizga ishonch olib kelishini istardik, garchi bu o‘yin chorshanba kungi o‘yinga hech qanday aloqasi yo‘qligini bilsak ham. Ammo g‘alaba har doim ijobiy bo‘lib, ishonchni oshiradi. Chorshanba kungi o‘yin final bo‘ladi", - deya Nacho so‘zlarini keltiradi AS.
"Real" va "Manchester Siti" o‘rtasidagi birinchi uchrashuv 1:1 hisobida yakunlangan edi. Javob o‘yini 17 mayga belgilangan.
