Мадриднинг “Реал” клуби ҳимоячиси Хосе Игнасио Начо “Манчестер Сити”га қарши бўлиб ўтадиган Чемпионлар лигаси ярим финал жавоб ўйини ҳақида гапирди. Эслатиб ўтамиз, 13 май куни "Реал Мадрид" Испания чемпионатининг 34-турида "Хетафе"ни мағлуб этганди (1:0).
“Ғалаба қозониш муҳим эди ва “Хетафе” биз учун қийин ўйин ташкил қилди. Биз учун қийин бўлди, айниқса биринчи бўлимда, иккинчи бўлимда биз бироз яхшироқ эдик. Ғалаба ва уч очко бизга ишонч олиб келишини истардик, гарчи бу ўйин чоршанба кунги ўйинга ҳеч қандай алоқаси йўқлигини билсак ҳам. Аммо ғалаба ҳар доим ижобий бўлиб, ишончни оширади. Чоршанба кунги ўйин финал бўлади", - дея Начо сўзларини келтиради AS.
"Реал" ва "Манчестер Сити" ўртасидаги биринчи учрашув 1:1 ҳисобида якунланган эди. Жавоб ўйини 17 майга белгиланган.
