Fransiyaning "PSJ" klubi bosh murabbiyi Kristof Galtye klubning argentinalik hujumchisi Lionel Messi bilan ishlash haqida gapirdi.
“Messi bizga Fransiya chempionati uchun kelganida, men bundan hamma foydalanishi kerakligini aytdim. U jahon futboli tarixidagi eng yaxshi futbolchi, bundan foydalanish kerak. Odamlar uning karyerasini va maydonda nima qila olishini qadrlashi kerak. Men Messiga murabbiylik qilayotganimdan faxrlanaman va o‘n oy davomida undan zavqlanyapman", - deya Galtyening so‘zlarini keltiradi Le10sport.com nashri.
Eslatib o‘tamiz, Messi "Ayachcho" bilan o‘yinda (5:0) Saudiya Arabistoniga borgani uchun diskvalifikasiya qilinganidan keyin birinchi o‘yinni o‘tkazdi.
Messi joriy mavsumda barcha turnirlarda 38 ta o‘yinda maydonga tushib, 20 ta gol va 19 ta golli uzatmani amalga oshirdi.