Франциянинг "ПСЖ" клуби бош мураббийи Кристоф Галтье клубнинг аргентиналик ҳужумчиси Лионель Месси билан ишлаш ҳақида гапирди.
“Месси бизга Франция чемпионати учун келганида, мен бундан ҳамма фойдаланиши кераклигини айтдим. У жаҳон футболи тарихидаги энг яхши футболчи, бундан фойдаланиш керак. Одамлар унинг карьерасини ва майдонда нима қила олишини қадрлаши керак. Мен Мессига мураббийлик қилаётганимдан фахрланаман ва ўн ой давомида ундан завқланяпман", - дея Галтьенинг сўзларини келтиради Le10sport.com нашри.
Эслатиб ўтамиз, Месси "Аяччо" билан ўйинда (5:0) Саудия Арабистонига боргани учун дисквалификация қилинганидан кейин биринчи ўйинни ўтказди.
Месси жорий мавсумда барча турнирларда 38 та ўйинда майдонга тушиб, 20 та гол ва 19 та голли узатмани амалга оширди.