"Milan" "Atletiko" hujumchisi Alvaro Moratani sotib olishga jiddiy kirishmoqda. Fichajes so‘zlariga ko‘ra, "rossonerilar" rahbarlari yaqin vaqt ichida Madridga taklif bilan chiqishga tayyor.

Manbaga ko‘ra, milanliklar kelasi mavsumda jamoani kuchaytirishi kafolatlangan hujumchi qidirmoqda. Klub rahbariyati Morataning eng munosib nomzod ekanligiga ishonchi komil.

Qayd etilishicha, “Milan” rahbarlarini ko‘proq forvardning Italiya chempionatidagi tajribasi, shuningdek, tilni yaxshi bilishi maftun etadi.

Morata joriy mavsumda “matraschilar” safida barcha turnirlarda 42 ta o‘yinda maydonga tushib, 15 ta gol va 3 ta golli uzatmaga mualliflik qilgan.