"Милан" "Атлетико" ҳужумчиси Альваро Моратани сотиб олишга жиддий киришмоқда. Fichajes сўзларига кўра, "россонерилар" раҳбарлари яқин вақт ичида Мадридга таклиф билан чиқишга тайёр.

Манбага кўра, миланликлар келаси мавсумда жамоани кучайтириши кафолатланган ҳужумчи қидирмоқда. Клуб раҳбарияти Моратанинг энг муносиб номзод эканлигига ишончи комил.

Қайд этилишича, “Милан” раҳбарларини кўпроқ форварднинг Италия чемпионатидаги тажрибаси, шунингдек, тилни яхши билиши мафтун этади.

Мората жорий мавсумда “матрасчилар” сафида барча турнирларда 42 та ўйинда майдонга тушиб, 15 та гол ва 3 та голли узатмага муаллифлик қилган.