Superliga 10-turidan o‘rin olgan “Navbahor” – “Surxon” (1:0) uchrashuvidan keyingi matbuot anjumanining ikkinchi qismida mezbonlar bosh murabbiyi Samvel Vyacheslavovich Babayan ishtirok etib, OAV xodimlarining savollariga javob berdi.

Samvel Vyacheslavovich o‘z so‘zini odatdagidek o‘yin haqidagi fikrlari bilan boshladi.

— Barchaga xayrli kun! Bugun uchrashuvning shu tarzda kechishi kutilgandi. Boisi, jamoamizning maydon markazi va tayanch nuqtasida yo‘qotishlar bor edi. Shu sababli ham markaziy himoyachimiz tayanch nuqtasida harakat qildi. Shuning uchun ham o‘yinda asabbuzarlik yuzaga keldi. Umuman olganda, yigitlarga  o‘z minnatdorchiligimni bildirmoqchiman. Uchrashuv davomida ko‘plab hujumlar uyushtirdik, o‘yinni ham nazorat qildik. Shu bois, fikrimcha, mazkur bahsda bu kabi asabbuzarliklar vujudga kelmasligi, biz o‘yin taqdirini ancha erta hal qilishimiz lozim edi. Keyingi bahsda jarohatlangan va diskvalifikasiyadagi barcha futbolchilar safga qaytishadi. Optimal tarkibni maydonga tushirishishga harakat qilamiz. Sifatliroq o‘yin ko‘rsatishga umid qilamiz. Nima bo‘lishidan qat’iy nazar, g‘alaba bu g‘alaba. Muxlislarimizni bugungi yutuq tabriklayman.

— Jamoani jismoniy tayyorgarligida biroz muammolar borga o‘xshayapti...
— Gapingizga umuman qo‘shilmayman. Sababi, biz bitta to‘p farqi bilan g‘alaba qozondik. Bu vaziyatda mantiqan olganda, himoyada o‘ynashimiz kerak edi. Biroq, biz bu holatda ham hujumga intildik. Bu jamoa ruhan va jismonan tayyorligini bildiradi. Shu sabab ham fikringizga qo‘shila olmayman.

“Navbahor” PFK matbuot xizmati.