"Chelsi"ning yangi bosh murabbiyiga aylanishi kutilayotgan Maurisio Pochettino yozda jamoaga yangi darvozabon olib kelmoqchi.
Xabarlarga ko‘ra, londonliklar 3 nafar darvozabondan iborat bo‘lgan qisqa ro‘yxatni tuzgan, ulardan biri bilan yozda shartnoma imzolashga harakat qilishadi. Qisqa ro‘yxatda Emiliano Martines ("Aston Villa"), Andre Onana ("Inter") va David Rayya ("Brentford") bor.
"Chelsi"ning joriy mavsumdagi asosiy darvozaboni - Kepa Arrisabalagaga. U barcha musobaqalarda 36 ta o‘yinda maydonga tushib, 39 ta gol o‘tkazib yuborgan va 12 marta o‘z darvozasi daxlsizligini saqlab qolgan.