"Челси"нинг янги бош мураббийига айланиши кутилаётган Маурисио Почеттино ёзда жамоага янги дарвозабон олиб келмоқчи.

Хабарларга кўра, лондонликлар 3 нафар дарвозабондан иборат бўлган қисқа рўйхатни тузган, улардан бири билан ёзда шартнома имзолашга ҳаракат қилишади. Қисқа рўйхатда Эмилиано Мартинес ("Астон Вилла"), Андре Онана ("Интер") ва Давид Райя ("Брентфорд") бор.

"Челси"нинг жорий мавсумдаги асосий дарвозабони - Кепа Аррисабалагага. У барча мусобақаларда 36 та ўйинда майдонга тушиб, 39 та гол ўтказиб юборган ва 12 марта ўз дарвозаси дахлсизлигини сақлаб қолган.