«Valensiya» yarim himoyachisi Yunus Musaga Angliya premyer-ligasining navbatdagi klubi qiziqish bildirmoqda.
Daily Mail gazetasi jurnalistlarining xabar berishicha, Londonning «Vest Xem» klubi 20 yoshli amerikalik futbolchini o‘z safiga qo‘shib olmoqchi.
Futbolchi uchun kurashda «bolg‘achilar» «Arsenal» va «Liverpul» bilan raqobatlashishlari kerak bo‘ladi. Ehtimoliy kelishuv summasi 22 million yevroni tashkil qilishi mumkin.
Ispaniya chempionatining joriy mavsumida Musa 31 ta o‘yinda maydonga tushib, 2 ta golli uzatmani amalga oshirdi va 9 ta sariq kartochka oldi.
Yunusning «ko‘rshapalaklar» bilan tuzgan mehnat shartnomasi 2026 yilning o‘rtalariga qadar mo‘ljallangan.