«Валенсия» ярим ҳимоячиси Юнус Мусага Англия премьер-лигасининг навбатдаги клуби қизиқиш билдирмоқда.

Daily Mail газетаси журналистларининг хабар беришича, Лондоннинг «Вест Хэм» клуби 20 ёшли америкалик футболчини ўз сафига қўшиб олмоқчи.

Футболчи учун курашда «болғачилар» «Арсенал» ва «Ливерпуль» билан рақобатлашишлари керак бўлади. Эҳтимолий келишув суммаси 22 миллион еврони ташкил қилиши мумкин.

Испания чемпионатининг жорий мавсумида Муса 31 та ўйинда майдонга тушиб, 2 та голли узатмани амалга оширди ва 9 та сариқ карточка олди.

Юнуснинг «кўршапалаклар» билан тузган меҳнат шартномаси 2026 йилнинг ўрталарига қадар мўлжалланган.