Madridning «Real» klubi hujumchisi Mariano Dias faoliyatini Ispaniya chempionatining boshqa klubida davom ettirishi mumkin.
Fichajes xabariga ko‘ra, hujumchi xizmatlariga «Vilyarreal» qiziqish bildirmoqda.
«Sariq suv osti kemasi» Dias variantini Nikolas Jekson klubni tark etishi mumkin bo‘lgan taqdirda ko‘rib chiqmoqchi.
Mariano «Vilyarreal»ga tekinga o‘tishi mumkin, chunki uning «qaymoqranglilar» bilan shartnomasi joriy mavsum oxirida yakuniga yetadi.
29 yoshli hujumchi joriy mavsumda «Real» safida La Ligada 9 ta o‘yinda maydonga tushdi. Shu bilan birga Dias ikkita sariq kartochka oldi.
