"Liverpul" bosh murabbiyi Yurgen Klopp hujumchi Roberto Firmino APLning navbatdagi turida "Aston Villa"ga qarshi o‘yinga tayyor bo‘lishi kerakligini aytdi.
Eslatib o‘tamiz, bu o‘yin braziliyalik uchun "Enfild"da xayrlashuv bo‘ladi, chunki mavsum yakunida u erkin agent sifatida jamoani tark etadi.
"O‘ylashimcha, Firmino "Aston Villa"ga qarshi uchrashuvga tayyor bo‘ladi. Lester safaridan uyga qaytganimizdan so‘ng futbolchilar bir kun dam oladi, ammo Roberto mashg‘ulot o‘tkazadi. Chorshanba kuni Firmino jamoa mashg‘ulotlarida ishtirok etishi kerak, bu mening ma’lumotim. Ko‘ramiz, u maydonga tushadimi? “Aston Villa”ga qarshi o‘yin bir qancha sabablarga ko‘ra juda qiyin bo‘ladi”, dedi Klopp kecha “Lester” ustidan qozonilgan g‘alabadan so‘ng matbuot anjumanida.
