"Ливерпуль" бош мураббийи Юрген Клопп ҳужумчи Роберто Фирмино АПЛнинг навбатдаги турида "Астон Вилла"га қарши ўйинга тайёр бўлиши кераклигини айтди.
Эслатиб ўтамиз, бу ўйин бразилиялик учун "Энфилд"да хайрлашув бўлади, чунки мавсум якунида у эркин агент сифатида жамоани тарк этади.
"Ўйлашимча, Фирмино "Астон Вилла"га қарши учрашувга тайёр бўлади. Лестер сафаридан уйга қайтганимиздан сўнг футболчилар бир кун дам олади, аммо Роберто машғулот ўтказади. Чоршанба куни Фирмино жамоа машғулотларида иштирок этиши керак, бу менинг маълумотим. Кўрамиз, у майдонга тушадими? “Астон Вилла”га қарши ўйин бир қанча сабабларга кўра жуда қийин бўлади”, деди Клопп кеча “Лестер” устидан қозонилган ғалабадан сўнг матбуот анжуманида.
