"Barselona" bosh murabbiyi Xavi Ernandes bu hafta jamoaning ba’zi futbolchilariga chiqish eshigi ochiqligini aytadi. Sport xabariga ko‘ra, murabbiy keyingi mavsumdagi rejalariga kiritilmagan futbolchilar ro‘yxatini allaqachon aniqlab olgan.
Manba hozircha kelayotgan mavsumda "Barselona"ni tark etishi kerak bo‘lgan futbolchilar nomini e’lon qilmagan.
Avvalroq Ferran Torres, Rafinya Dias va Ansu Fati jamoani tark etishi haqida xabarlar tarqalgandi. Ushbu futbolchilarning bir qismini sotish orqali "Barselona" moliyaviy muammolarni hal qilish uchun pul olishni kutmoqda.
Eslatib o‘tamiz, o‘tgan dam olish kunlari “Barselona” Kataloniya derbisida “Espanyol”ni mag‘lub etib, Ispaniya chempionligini qo‘lga kiritgan edi.
