"Барселона" бош мураббийи Хави Эрнандес бу ҳафта жамоанинг баъзи футболчиларига чиқиш эшиги очиқлигини айтади. Sport хабарига кўра, мураббий кейинги мавсумдаги режаларига киритилмаган футболчилар рўйхатини аллақачон аниқлаб олган.
Манба ҳозирча келаётган мавсумда "Барселона"ни тарк этиши керак бўлган футболчилар номини эълон қилмаган.
Аввалроқ Ферран Торрес, Рафинья Диас ва Ансу Фати жамоани тарк этиши ҳақида хабарлар тарқалганди. Ушбу футболчиларнинг бир қисмини сотиш орқали "Барселона" молиявий муаммоларни ҳал қилиш учун пул олишни кутмоқда.
Эслатиб ўтамиз, ўтган дам олиш кунлари “Барселона” Каталония дербисида “Эспаньол”ни мағлуб этиб, Испания чемпионлигини қўлга киритган эди.
