Belgiyalik yarim himoyachi Yuri Tilemans joriy mavsum yakunida “Lester”ni tark etadi. Bu haqda jurnalist Fabrisio Romano ijtimoiy tarmoqlar orqali ma’lum qildi.
Insayderning fikricha, yarim himoyachida faoliyatini davom ettirish uchun bir nechta variant bor. Mavsum tugagandan so‘ng Tilemans o‘z agenti bilan birgalikda unga tushgan barcha takliflarni ko‘rib chiqadi.
26 yoshli belgiyalik futbolchi 2019 yilning iyulidan buyon “Lester Siti” safida to‘p suradi. Uning "tulkilar" bilan shartnomasi 2022/2023 yilgi mavsum oxirida yakuniga yetadi.
Yuri joriy mavsumda APLda 29 ta o‘yinda maydonga tushib, 3 ta gol va 1 ta golli uzatmaga mualliflik qilgan.
