Бельгиялик ярим ҳимоячи Юри Тилеманс жорий мавсум якунида “Лестер”ни тарк этади. Бу ҳақда журналист Фабрицио Романо ижтимоий тармоқлар орқали маълум қилди.
Инсайдернинг фикрича, ярим ҳимоячида фаолиятини давом эттириш учун бир нечта вариант бор. Мавсум тугагандан сўнг Тилеманс ўз агенти билан биргаликда унга тушган барча таклифларни кўриб чиқади.
26 ёшли бельгиялик футболчи 2019 йилнинг июлидан буён “Лестер Сити” сафида тўп суради. Унинг "тулкилар" билан шартномаси 2022/2023 йилги мавсум охирида якунига етади.
Юри жорий мавсумда АПЛда 29 та ўйинда майдонга тушиб, 3 та гол ва 1 та голли узатмага муаллифлик қилган.
