"Bavariya" va "PSJ" "Arsenal" yarim himoyachisi Martin Edegor uchun kurashadi. Bu haqda El Nacional xabar bermoqda.
Manba bergan xabarga ko‘ra, 24 yoshli norvegiyalik futbolchini o‘z safiga har ikki klub ham qo‘shib olmoqchi. Qayd etilishicha, transfer yozda amalga oshishi mumkin.
Edegorning "Arsenal" bilan amaldagi shartnomasi 2025 yilning yoziga qadar mo‘ljallangan. Transfermarkt portali Norvegiya terma jamoasi futbolchisini 80 million yevroga baholamoqda.
Edegor joriy mavsumda Premyer-ligada 35 ta o‘yinda maydonga tushib, 15 ta gol urdi va 8 ta golli uzatmani amalga oshirdi. Futbolchi 2021 yildan beri "kanonirlar" sharafini himoya qilib kelmoqda. U avvalroq "Real Sosyedad", Niderlandiyaning "Vitess" va Madridning "Real" klublarida to‘p surgan.
