"Barselona" yarim himoyachisi Frenki de Yong o‘tgan yozda "Manchester Yunayted"ga o‘tmaganidan xursand.

Sport nashri xabariga ko‘ra, niderlandiyalik futbolchining fikricha, "Old Trafford"ga o‘tish uning faoliyatida orqaga qadam bo‘lar edi.

Frenki nafaqat katta maosh olgani va shaharga a’lo darajada joylashib olgani uchun "Barselona"ni tark etishni istamadi. "Kamp Nou"ni tark etish futbolchining faoliyatidagi ortga katta qadam sifatida qabul qilinadi. Manbaning ta’kidlashicha, De Yong hozir "Barselona"da ekanligidan va yaqinda Ispaniya chempionatidagi g‘alabadan juda xursand.