"Барселона" ярим ҳимоячиси Френки де Йонг ўтган ёзда "Манчестер Юнайтед"га ўтмаганидан хурсанд.
Sport нашри хабарига кўра, нидерландиялик футболчининг фикрича, "Олд Траффорд"га ўтиш унинг фаолиятида орқага қадам бўлар эди.
Френки нафақат катта маош олгани ва шаҳарга аъло даражада жойлашиб олгани учун "Барселона"ни тарк этишни истамади. "Камп Ноу"ни тарк этиш футболчининг фаолиятидаги ортга катта қадам сифатида қабул қилинади. Манбанинг таъкидлашича, Де Йонг ҳозир "Барселона"да эканлигидан ва яқинда Испания чемпионатидаги ғалабадан жуда хурсанд.