"Bavariya" jamoani qayta qurishni rejalashtirmoqda. Yozda klubni ikki futbolchi tark etishi mumkin. Gap himoyachi Joau Kanselu va vinger Sadio Mane haqida ketmoqda.
Germaniyaning Sky Sport nashri xabariga ko‘ra, portugal va senegallikning Myunxen klubida kelajagi yo‘q.
Aytish joizki, Kanselu “Bavariya”da ijara asosida o‘ynaydi. Ayni vaqtda myunxenliklar himoyachini "Manchester Siti"dan sotib olish imkoniyatiga ega. Manega kelsak, u yaqinda janjalga aralashib qoldi. Chempionlar ligasi o‘yinidan so‘ng u kiyinish xonasida jamoadoshi Leroy Sanening yuziga zarba berdi. Senegallik forvard jarimaga tortildi va bir o‘yinga diskvalifikasiya qilindi.