"Бавария" жамоани қайта қуришни режалаштирмоқда. Ёзда клубни икки футболчи тарк этиши мумкин. Гап ҳимоячи Жоау Канселу ва вингер Садио Мане ҳақида кетмоқда.
Германиянинг Sky Sport нашри хабарига кўра, португал ва сенегалликнинг Мюнхен клубида келажаги йўқ.
Айтиш жоизки, Канселу “Бавария”да ижара асосида ўйнайди. Айни вақтда мюнхенликлар ҳимоячини "Манчестер Сити"дан сотиб олиш имкониятига эга. Манега келсак, у яқинда жанжалга аралашиб қолди. Чемпионлар лигаси ўйинидан сўнг у кийиниш хонасида жамоадоши Лерой Саненинг юзига зарба берди. Сенегаллик форвард жаримага тортилди ва бир ўйинга дисквалификация қилинди.
