"Bayer"ning eronlik hujumchisi Serdar Azmun joriy mavsum oxirida "aptekachilar"ni tark etishi mumkin. Unga hozirda uchta klub da’vogarlik qilmoqda.
Dirilis Postasi xabariga ko‘ra, bular Liga 1ning ikkita klubi - "Marsel" va "Lion", shuningdek, Turkiya grandi - "Fenerbaxche".
Eslatib o‘tamiz, Azmun o‘zining ikkinchi mavsumini "Bayer"da o‘tkazmoqda. U joriy mavsumda nemis klubi safida barcha rasmiy turnirlarni inobatga olgan holda atigi 4 ta gol va 4 ta golli uzatmaga mualliflik qilgan.
Azmunning "Bayer" bilan shartnomasi 2027 yilning 30 iyuniga qadar amal qiladi.