"Байер"нинг эронлик ҳужумчиси Сердар Азмун жорий мавсум охирида "аптекачилар"ни тарк этиши мумкин. Унга ҳозирда учта клуб даъвогарлик қилмоқда.
Dirilis Postasi хабарига кўра, булар Лига 1нинг иккита клуби - "Марсель" ва "Лион", шунингдек, Туркия гранди - "Фенербахче".
Эслатиб ўтамиз, Азмун ўзининг иккинчи мавсумини "Байер"да ўтказмоқда. У жорий мавсумда немис клуби сафида барча расмий турнирларни инобатга олган ҳолда атиги 4 та гол ва 4 та голли узатмага муаллифлик қилган.
Азмуннинг "Байер" билан шартномаси 2027 йилнинг 30 июнига қадар амал қилади.