"Barselona" hujumchisi Ansu Fatini "Arsenal" yarim himoyachisi Martin Edegorga almashtirishga tayyor.
El Nacional xabariga ko‘ra, Kataloniya jamoasi prezidenti Joan Laporta 20 yoshli ispaniyalik futbolchi bilan xayrlashishni istamaydi, biroq norvegiyalik yarim himoyachini o‘z ichiga olishi mumkin bo‘lgan transferga rozi bo‘lishga tayyor.
Avvalroq, London klubining 24 yoshli yarim himoyachisiga "Bavariya" va "PSJ" klublari qiziqish bildirayotgani haqida xabar berilgandi. Uning "Arsenal" bilan shartnomasi 2025 yilning yoziga qadar mo‘ljallangan. Edegor avvalroq “Real”da o‘ynagan.
Martin joriy mavsumda “kanonirlar” safida barcha musobaqalarda 43 ta o‘yinda maydonga tushib, 15 ta gol urdi va 8 ta golli uzatmani amalga oshirdi. Transfermarkt portali futbolchining transfer qiymatini 80 million yevroga baholamoqda.