"Барселона" ҳужумчиси Ансу Фатини "Арсенал" ярим ҳимоячиси Мартин Эдегорга алмаштиришга тайёр.
El Nacional хабарига кўра, Каталония жамоаси президенти Жоан Лапорта 20 ёшли испаниялик футболчи билан хайрлашишни истамайди, бироқ норвегиялик ярим ҳимоячини ўз ичига олиши мумкин бўлган трансферга рози бўлишга тайёр.
Аввалроқ, Лондон клубининг 24 ёшли ярим ҳимоячисига "Бавария" ва "ПСЖ" клублари қизиқиш билдираётгани ҳақида хабар берилганди. Унинг "Арсенал" билан шартномаси 2025 йилнинг ёзига қадар мўлжалланган. Эдегор аввалроқ “Реал”да ўйнаган.
Мартин жорий мавсумда “канонирлар” сафида барча мусобақаларда 43 та ўйинда майдонга тушиб, 15 та гол урди ва 8 та голли узатмани амалга оширди. Transfermarkt портали футболчининг трансфер қийматини 80 миллион еврога баҳоламоқда.
