"Milan" sardori Davide Kalabriya "Inter"ga qarshi (0:1) Chempionlar ligasi yarim final uchrashuvi natijalari haqida fikr bildirdi. Birinchi o‘yin ham “neradzuri”larning 2:0 hisobidagi g‘alabasi bilan yakunlangandi. Finalda “Inter” “Manchester Siti” – “Real Madrid” uchrashuvi g‘olibi bilan o‘ynaydi. Madriddagi birinchi o‘yin 1:1 hisobida durang bilan yakunlangan bo‘lsa, ikkinchi o‘yin 17 may kuni bo‘lib o‘tadi.
“Bu boshlanish nuqtasi. Chempionlar ligasining yarim finalida yaqin orada "Milan"ni hech kim ko‘rmagandi. Biz borimizni berdik. Men yomon narsalar haqida o‘ylashni xohlamayman. Biz chempionatda kuchli to‘rtlikka kirishga e’tibor qaratishimiz kerak”, — deya Kalabriya so‘zlarini keltiradi UEFA rasmiy sayti.
