"Милан" сардори Давиде Калабрия "Интер"га қарши (0:1) Чемпионлар лигаси ярим финал учрашуви натижалари ҳақида фикр билдирди. Биринчи ўйин ҳам “нерадзури”ларнинг 2:0 ҳисобидаги ғалабаси билан якунланганди. Финалда “Интер” “Манчестер Сити” – “Реал Мадрид” учрашуви ғолиби билан ўйнайди. Мадриддаги биринчи ўйин 1:1 ҳисобида дуранг билан якунланган бўлса, иккинчи ўйин 17 май куни бўлиб ўтади.
“Бу бошланиш нуқтаси. Чемпионлар лигасининг ярим финалида яқин орада "Милан"ни ҳеч ким кўрмаганди. Биз боримизни бердик. Мен ёмон нарсалар ҳақида ўйлашни хоҳламайман. Биз чемпионатда кучли тўртликка киришга эътибор қаратишимиз керак”, — дея Калабрия сўзларини келтиради УЕФА расмий сайти.
