«Roma» himoyachisi Rojer Ibanyes faoliyatini Angliya premyer-ligasida davom ettirishi mumkin.
Calciomercato jurnalistlarining xabar berishicha, 24 yoshli futbolchini «Aston Villa» o‘z safiga qo‘shib olmoqchi.
Ibanyesning o‘zi Rim klubini tark etishga tayyor va takliflarga ochiq munosabatda. «Roma» o‘z navbatida futbolchini taxminan 35-40 million yevroga sotishga tayyor.
Joriy mavsumda Rojer «bo‘rilar» safida 44 ta o‘yinda maydonga tushib, 3 ta gol urgan. Himoyachi va «Roma» o‘rtasidagi amaldagi shartnoma muddati 2025 yilning o‘rtalariga qadar hisoblangan.
