«Рома» ҳимоячиси Рожер Ибаньес фаолиятини Англия премьер-лигасида давом эттириши мумкин.
Calciomercato журналистларининг хабар беришича, 24 ёшли футболчини «Астон Вилла» ўз сафига қўшиб олмоқчи.
Ибаньеснинг ўзи Рим клубини тарк этишга тайёр ва таклифларга очиқ муносабатда. «Рома» ўз навбатида футболчини тахминан 35-40 миллион еврога сотишга тайёр.
Жорий мавсумда Рожер «бўрилар» сафида 44 та ўйинда майдонга тушиб, 3 та гол урган. Ҳимоячи ва «Рома» ўртасидаги амалдаги шартнома муддати 2025 йилнинг ўрталарига қадар ҳисобланган.