"Manchester Yunayted" muxlislari uchun xushxabar. "Vest Xem"ga qarshi Premyer-liga uchrashuvida jarohat olgan Markus Reshford safga qaytdi.
Reshford 2022/2023-yilgi mavsumda “Manchester Yunayted” safida 53 ta o‘yinda maydonga tushgan. Ularda hujumchi 29 ta gol va sheriklariga 11 ta golli uzatma bergan.
“Manchester Yunayted” Angliya chempionatining navbatdagi uchrashuvini 20 may, shanba kuni raqib maydonida “Bornmut”ga qarshi o‘tkazadi. Erik ten Xag jamoasi hozirda Premyer-liga turnir jadvalida to‘rtinchi o‘rinda bormoqda.