"Napoli" markaziy himoyachisi Kim Min Chje "Manchester Yunayted" bilan shaxsiy shartnoma borasida kelishib oldi. Neapolitanning Il Mattino nashri xabariga ko‘ra, koreyalik futbolchi Erik ten Xag jamoasida yiliga 9 million yevro ishlab oladi.
Hozirda "Manchester Yunayted" "Napoli" bilan transfer tafsilotlarini kelishib olishi kerak. Eslatib o‘tamiz, Kim Min Chjening Luchano Spaletti jamoasi bilan shartnomasida tovon puli ko‘rsatilgan, bu 40 million yevro.
Koreyalik futbolchi Yevropaning top-5 chempionatlarida debyut mavsumini o‘tkazmoqda. Kim Min Chje “Napoli” bilan birinchi urinishdayoq Italiya chempionligini qo‘lga kiritdi. Bungacha himoyachi Turkiyada “Fenerbaxche” safida to‘p surgan.