"Наполи" марказий ҳимоячиси Ким Мин Чжэ "Манчестер Юнайтед" билан шахсий шартнома борасида келишиб олди. Неаполитаннинг Il Mattino нашри хабарига кўра, кореялик футболчи Эрик тен Хаг жамоасида йилига 9 миллион евро ишлаб олади.
Ҳозирда "Манчестер Юнайтед" "Наполи" билан трансфер тафсилотларини келишиб олиши керак. Эслатиб ўтамиз, Ким Мин Чжэнинг Лучано Спалетти жамоаси билан шартномасида товон пули кўрсатилган, бу 40 миллион евро.
Кореялик футболчи Европанинг топ-5 чемпионатларида дебют мавсумини ўтказмоқда. Ким Мин Чжэ “Наполи” билан биринчи уринишдаёқ Италия чемпионлигини қўлга киритди. Бунгача ҳимоячи Туркияда “Фенербахче” сафида тўп сурган.
