Dortmundning «Borussiya» klubi himoyachisi Rafael Gerreyru mavsum yakunida Dortmundni tekinga tark etadi, deya xabar bermoqda AS.
Manbaga ko‘ra, futbolchining vakillari o‘z mijozini Madridning «Atletiko»siga taklif qilishgan. «Matraschilar» yaxshi saviyadagi o‘yinchini bepul o‘z jamoasiga qo‘shib olish imkoniyatidan xursand.
Qayd etilishicha, Gerreyru xizmatlariga Italiya chempionatining ayrim klublari ham qiziqish bildirmoqda.
Joriy mavsumda portugaliyalik himoyachi Dortmundning «Borussiya» klubi safida barcha turnirlar doirasida 34 ta o‘yinda maydonga tushib, 5 ta gol urdi va 13 ta golli uzatmaga mualliflik qilgan.
