Дортмунднинг «Боруссия» клуби ҳимоячиси Рафаэль Геррейру мавсум якунида Дортмундни текинга тарк этади, дея хабар бермоқда AS.

Манбага кўра, футболчининг вакиллари ўз мижозини Мадриднинг «Атлетико»сига таклиф қилишган. «Матрасчилар» яхши савиядаги ўйинчини бепул ўз жамоасига қўшиб олиш имкониятидан хурсанд.

Қайд этилишича, Геррейру хизматларига Италия чемпионатининг айрим клублари ҳам қизиқиш билдирмоқда.

Жорий мавсумда португалиялик ҳимоячи Дортмунднинг «Боруссия» клуби сафида барча турнирлар доирасида 34 та ўйинда майдонга тушиб, 5 та гол урди ва 13 та голли узатмага муаллифлик қилган.