"Yuventus" yarim himoyachisi Adriyen Rabyoga boshqa klublar qiziqish bildirishda davom etmoqda.
28 yoshli futbolchi joriy mavsum oxirida shartnoma muddati tugagani uchun erkin agentga aylanishi mumkin. Xabaringiz bor, “Manchester Yunayted” fransiyalik futbolchini o‘z safiga qo‘shib olishga tayyor, ammo u boshqa da’vogarlar bilan raqobatlashishiga to‘g‘ri keladi: GetFootballNewsItaly xabariga ko‘ra, “Bavariya”ga ham Rabyo kerak.
Yarim himoyachi faoliyatini davom ettirish mumkin bo‘lgan yana bir joy - bu Angliyaning "Nyukasl" klubi.
Adriyen Rabyo 2019 yildan beri "Yuventus"da to‘p suradi. Joriy mavsumda u 44 ta o‘yinda 11 ta gol urdi va 4 ta golli uzatmani amalga oshirdi.