"Bavariya" darvozaboni Yann Zommer va qanot yarim himoyachisi Serj Gnabri jamoa bilan mashg‘ulotlarni davom ettirishdi. Bu haqda Bild nashri xabar bermoqda.
Zommer va Gnabri "Bavariya"ning kechagi mashg‘ulotlarini o‘tkazib yuborishgandi. Shveysariyalik posbon oshqozonida muammolarga duch keldi va Gnabri esa shunchaki charchagan. Futbolchilarning “Leypsig” jamoasiga qarshi o‘yinda ishtirok etishi so‘roq ostida edi, biroq hozirda Zommer va Gnabri “Bavariya” safida o‘ynashga tayyor ekani ma’lum bo‘ldi.
Shu bilan birga, hujumchi Erik Chupo-Moting yana mashg‘ulotlarni o‘tkazib yubordi va "Leypsig"ga qarshi o‘ynashi dargumon. Eslatib o‘tamiz, chempionat tugashiga ikki tur qolganda "Bavariya" chempionlik poygasida Dortmundning "Borussiya" jamoasidan atigi bir ochko oldinda.