"Бавария" дарвозабони Янн Зоммер ва қанот ярим ҳимоячиси Серж Гнабри жамоа билан машғулотларни давом эттиришди. Бу ҳақда Bild нашри хабар бермоқда.
Зоммер ва Гнабри "Бавария"нинг кечаги машғулотларини ўтказиб юборишганди. Швейцариялик посбон ошқозонида муаммоларга дуч келди ва Гнабри эса шунчаки чарчаган. Футболчиларнинг “Лейпциг” жамоасига қарши ўйинда иштирок этиши сўроқ остида эди, бироқ ҳозирда Зоммер ва Гнабри “Бавария” сафида ўйнашга тайёр экани маълум бўлди.
Шу билан бирга, ҳужумчи Эрик Чупо-Мотинг яна машғулотларни ўтказиб юборди ва "Лейпциг"га қарши ўйнаши даргумон. Эслатиб ўтамиз, чемпионат тугашига икки тур қолганда "Бавария" чемпионлик пойгасида Дортмунднинг "Боруссия" жамоасидан атиги бир очко олдинда.