«Lester» markaziy himoyachisi Chaglar Syoyundjyu «Atletiko»ga o‘tishga rozi bo‘ldi.

Tomonlar hamkorlik haqida aprel oyida kelishib olgan edi. Eslatib o‘tamiz, turkiyalik futbolchi ispan klubi bilan 2027 yilgacha mo‘ljallangan shartnoma imzolagan va u iyul oyidan kuchga kiradi.

Insayder Fabrisio Romanoning yangilangan ma’lumotlariga ko‘ra, 26 yoshli futbolchining rasmiy transferi yaqin haftalarda e’lon qilinadi - ehtimol, mavsum yakunlanganidan so‘ng darhol.

Chaglar 2018 yildan buyon «Lester Siti» safida to‘p tepadi. Umumiy hisobda u «tulkilar» safida 132 ta o‘yin o‘tkazib, 4 ta gol urdi va bitta golli uzatmani amalga oshirgan.